අන්තර් ජාතික පාපැදි සම්වම්ලනයට අනුබද්ධිත කොරියානු පාපැදි පුහුණු මධ්‍යස්ථනයේ දී අද (11 වන) දින සිට ලබන 07 වන දින දක්වා පැවැත්වෙන කණිෂ්ඨ කාන්තා පාපැදි පුහුණු වැඩමුළුව සදහා ශ්‍රී ලංකා කණිෂ්ඨ ශ්‍රේණිගත කිරීමෙන් ඉදිරියෙන් සිටින කොටහේන ශාන්ත එඬේරාගේ කන්‍යාරාමයේ ක්‍රීඩිකාව වන ඈන් ශෙනාලි පෙරේරා සහ අනුරාධපුර නිවතක චේතිය විද්‍යාලයේ තිළිණි ප්‍රවීනා සපරමාදු යන ක්‍රීඩිකාවන් දෙදෙනා සහ පුහුණුකාරිණිය ලෙස යුද්ධ හමුදා කාන්තා පාපැදි සංචිතවේ පුහුණුකාරිණිය ලසන්ති ක්‍රිෂ්ණා කොරියාව බලා පිටත් විය.
ශ්‍රී ලංකා පාපැදි සම්වම්ලන පුහුණු හා සංවර්ධන වැඩසටහන යටතේ මෙම පුහුණුවට සහභාගී වන ක්‍රීඩිකාවන් පුහුණු කාලය අතර තුර එරට පැවැත් වෙන කණිෂ්ඨ පාපැදි තරඟයට ද සහභාගී වීමට නියමිතය. වැඩමුළුවට සමගාමීව පැවැත්වෙන අන්තර් ජාතික අදියර 1 පාපැදි පුහුණු පාඨමාලාවට සහභාගී වීමට ද නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
