මහනුවර දිස්ත්‍රික් රාජ්‍ය සේවක ක්‍රීඩා උළෙල පසුගියදා බෝගම්බර ක්‍රීඩාංගනයේදී ආරම්භ විය. මධ්‍යම පළාත් ආණ්ඩුකාර නිලුකා ඒකනායක, මධ්‍යම පළාත් ප්‍රධාන අමාත්‍ය සරත් ඒකනායක, මහනුවර දිස්ත්‍රික් ලේකම් එච්.එම්.පී හිටිසේකර යන මහත්ම මහත්මීන්ගේ ප්‍රධානත්වයෙන් සමාරම්භක උත්සවය පැවැත්වුණී.
මහනුවර දිස්ත්‍රික් ලේකම් කාර්යාලය හා ක්‍රීඩා අමාත්‍යාංශයේ මහනුවර දිස්ත්‍රික් ක්‍රීඩා ඒකකය එක්ව මෙම ක්‍රීඩා උළෙල සංවිධානය කරනු ලබයි.
මහනුවර දිස්ත්‍රික්කයේ රජයේ රෝහල්, තැපැල්, බන්ධනාගාර, පොලිස්, පළාත් අමාත්‍යාංශ, ප්‍රාදේශීය ලේකම් කාර්යාල, පළාත් පාලන ආයතත, දිස්ත්‍රික් ලේකම් කාර්යාලය ඇතුළු රාජ්‍ය ආයතන විශාල ප්‍රමාණයක් මෙම ක්‍රීඩා උළෙල සදහා සහභාගි වේ.
AP/DMU-Kandy
