මෙවර 42 වන ජාතික මහා ක්‍රීඩා උළෙලේ, පාපැදි තරගයේ ජයග්‍රාහක, ජයග්‍රාහිකාවන්ට නවීනතම රේසිං පාපැදි ප්‍රදානය කිරීම ක්‍රීඩා අමාත්‍ය දයාසිරි ජයසේකර මහතා අතින් පසුගියදා සිදු කෙරිණි.
ක්‍රීඩා අමාත්‍යවරයාගේ සංකල්පයක් අනුව මෙම වසරේ සිට ජාතික මහා ක්‍රීඩා උළෙලේ ස්ටෑඩට් පාපැදි තරගාවලියේදී ජයග්‍රහණය ලබන ක්‍රීඩකයින් තිදෙනාට සහ ක්‍රීඩිකාවන් තිදෙනාට නවීනතම රේසිං පාපැදි ලබා දීමට ගත් තීරණය අනුව මෙම ප්‍රදානය සිදු කර තිබේ.
ඒ අනුව මෙම වසරේ ජයග්‍රහණ ලබාගත් ක්‍රීඩයන් වන ඩබ්.ලහිරු මධුෂංක, උදය ක්‍රිෂාන්ත, නිලන්ත දිල්ෂාන් සහ ක්‍රීඩිකාවන් ලෙස එස්.ඒ.දයානි සූරියආරච්චි, කේ.එල්.සුභාෂිනී , එල්.එම්.සදමාලි යන පිරිස මෙම ප්‍රදානයන් ලබා ගත්හ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
