නොබැඳි ව්‍යාපාරයේ 17 වැනි අමාත්‍ය රැස්වීම අතරතුර දී විදේශ අමාත්‍ය ජී.එල්. පීරිස් මහතා ස්පාඤ්ඤයේ විදේශ කටයුතු අමාත්‍ය මැනුවෙල් ගාර්සියා මාෆිල් (Mr. Manuel Garcia Marfil) මහතා සමඟ ද්විපාර්ශවික සාකච්ඡාවක් පසුගිය බදාදා පැවැත්වී ය.
ඇමැති පීරිස් මහතා සංවර්ධනය හා ප්‍රතිසන්ධානය පිළිබඳ විශේෂ අවධානය සහිත ව ශ්‍රී ලංකාවේ තත්ත්වය පිළිබඳ ව තම සහකරුවා දැනුම්වත් කළේ ය. මේ හමුවේ දී වෙළෙඳාම, ආයෝජනය හා සංචාරක ව්‍යාපාරය යන මාතෘකා පිළිබඳ ව ද අමාත්‍යවරු සාකච්ඡා කළහ.
නුදුරු අනාගතයේ කොළඹ තානාපති කාර්යාලයක් විවෘත කිරීමේ තම සැලැසුම් පිළිබඳ ව මාෆිල් ඇමැතිවරයා මහාචාර්ය පීරිස් මහතා දැනුම්වත් කළේ ය. විවිධ ක්ෂේත්‍රවල සැලැකිය යුතු තරම් බැඳීමක් ඇති කරගැනීම සම්බන්ධයෙන් මෙය කාලීන සංවර්ධනයෙකැ යි ස්පාඤ්ඤ විදේශ අමාත්‍යවරයා පැවැසී ය.
HC/dgitrans
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
