41 වන ජාතික මහා ක්‍රීඩා උළෙලේ වෙරළ වොලිබෝල් තරග එළඹෙන සෙනසුරාදා (21) සවස 4.00 ට ත්‍රිකුණාමලය නගර වෙරළ තීරයේදී නියෝජ්‍ය ක්‍රීඩා අමාත්‍ය එච්.එම්.එම්.හාරිස් මහතාගේ ප්‍රධානත්වයෙන් ඇරඹේ.
මෙම තරග සඳහා කණ්ඩායම් ලියාපදිංචි කටයුතු හෙට (20) ප.ව. 2.00 සිට 7.00 දක්වා ත්‍රිකුණාමලය කෘෂිකර්ම පරියේෂණ මධ්‍යස්ථානයේදී සිදු කෙරේ.
මෙවර පළාත් 09 න්ම එක් පළාතකට කණ්ඩායම් 02 බැගින් ක්‍රීඩක ක්‍රීඩිකාවන් ජාතික වෙරළ වොලිබෝල් ශූරතාවය සඳහා තරග වදිනු ඇත.
ත්‍යාග සහ කුසලාන ප්‍රදානෝත්සවය නියෝජ්‍ය ක්‍රීඩා අමාත්‍ය එච්.එම්.එම්.හාරිස් මහතාගේ සහ නැගෙනහිර පළාත් ක්‍රීඩා අමාත්‍ය එස්.තන්ඩයුතපානි මහතාගේ ප්‍රධානත්වයෙන් 22වන ඉරිදා ප.ව. 4.30 ත්‍රිකුණාමලය නගර වෙරළ තීරයේදී පැවැත්වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
