ඒ අනුව ලෝක රගර් කිරුළ තුන්වතාවක් දිනූ එකම කණ්ඩායම බවටත්, පිට පිට දෙවතාවක් එම කුසලානයට හිමිකම් කී එකම කණ්ඩායම බවටත් පත්වීමට නවසීලන්තයට හැකිවිය. මීට පෙර 1987 සහ 2011 ලෝක රගර් කුසලානය නවසීලන්තය ජයගත්තේ සිය රටේහිදීය. ඒ අනුව මෙවර ඔවුන් පළමුවරට විදෙස් භූමියකදී රගර් කිරුළට හිමිකම් කීම ද වාර්තාවකි. නවසීලන්තය ජයග්‍රහණයක කරා රැගෙන ගිය නායක රිචී මැකෝ රගර් ලෝක කුසලානය දෙවතාවක් දිනාගත් එකම නායකයා බවට පත්විය.
ජයග්‍රාහී නවසීලන්ත කණ්ඩායමට රගර් ලෝක කුසලානය පිරිනමනු ලැබුවේ හැරී කුමරු විසිනි. විලියම් කුමරු සහ ඔවුන්ගේ සීයා වන පිලිප් කුමරු ද අවසන් මහා තරගය නැරැඹීමට පැමිණ සිටියහ.
