මෙම තාක්ෂණ විද්‍යාගාර විවෘත කිරීමේ අවස්ථාවලදී ඇතැම්විට අධ්‍යාපන අමාත්‍යවරයාට සහභාගී වීමට නොහැකි වුවත්, අදාළ විවෘත කිරීම් කටයුතු නිසියාකාරව සිදුකරන බව අමාත්‍යතුමා ප්‍රකාශ කළේය.
මේ වන විට 8000කට ආසන්න පාසල්වල ගුරු අතිරික්තයක් පවතින බවත් එහෙත් ඇතැම් විෂයන් සඳහා ගුරු හිඟයක් පවතින බැවින් ඉදිරියේ දී නිසියාකාරව ගුරු තුලනය ඇතිවන ආකාරයට කටයුතු කරන බවත් අවිධිමත් ගුරු මාරු හේතුවෙන් ගුරුවරුන්ගේ පවුල් සංස්ථාව විනාශවීමට ඉඩ නොතබා ගරු මාරු මණ්ඩල විධිවිධාන නිසියාකාරව ක්‍රියාත්මක කිරීමට කටයුතු කරන බවද අමාත්‍යවරයා මෙහිදී සඳහන් කළේය.
එමෙන් ම ඉදිරියේ දී එක් එක් විෂයන්ට අදාළ ව පවතින ගුරු හිඟය පියවිය හැකි පරිදි නව විද්‍යාපීඨ ඉදිකිරීමට ද පියවර ගන්නා බවත් අමාත්‍යවරයා වැඩිදුරටත් පැහැදිලි කළේය.
මෙම අවස්ථාවට අධ්‍යාපන රාජ්‍ය අමාත්‍ය පී. රාධා ක්‍රිෂ්නන්, අධ්‍යාපන ලේකම් උපාලි මාරසිංහ, අධ්‍යාපන රාජ්‍ය අමාත්‍යංශ ලේකම් ඩී. නානායක්කාර මහත්වරු ඇතුළු ජ්‍යෙෂ්ඨ නිලධාරීහු රැසක් එක්ව සිටියහ.
SDF
