කුරණෑගල දිස්ත්‍රික්කයේ ග්‍රාම නිලධාරී වසම් 256ක පවුල් 2,985කට අයත් සාමාජිකයන් 9,560 දෙනෙකුට ගංවතුරෙන් හානි සිදු වී ඇති බව කුරුණෑගල දිස්ත්‍රික් ලේකම් එච්.එම්.පී. හිටිසේකර මහතා පැවසීය.
කුරුණෑගල දිස්ත්‍රික්කයේ ප්‍රාදේශීය ලේකම් කොට්ඨාස 30ම ගංවතුර තර්ජනයට මුහුණ පා ඇති අතර මේ වන විටත් අවතැන් කඳවුරු 30ක පවුල් 620කට අයත් පුද්ගලයන් 2,022ක් රැඳී සිටිති.
ගංවතුරෙන් පූර්ණ නිවාස හානි 120ක් ද අර්ධ හානි 70ක් හා මරණ 02ක් ද වාර්තා වී ඇත.
ගංවතුරෙන් වැඩියෙන් ම හානි සිදු වී ඇත්තේ බිංගිරිය, රස්නායකපුර, නාරම්මල, පන්නල හා කොබෙයිගනේ ප්‍රදේශවලට බව ද ඔහු සඳහන් කළේය.
NDH/AK-kurunegala
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
