යාපනය අර්ධද්වීපයට හොරෙන් ඇතුළු වූ ඉන්දීය ධීවරයින් 43ක් නාවික හමුදාව විසින් ඊයේ (09) අත්අංඩංගුවට ගත් බව නාවික හමුදාව පවසයි.
මෙම ධීවරයින් පේදුරු තුඩුවේ ඊසාන දිග මුහුදු ප්‍රදේශයේ දී අත්අඩංගුවට ගෙන ඇති අතර පසුව කන්කසන්තුරයට ගෙනැවිත් ඇත.
ඊයේ දිනයත් සමඟ මේ වන විට නාවික හමුදාවෙන් අත්අඩංගුවට ගනු ලැබූ ඉන්දීය ධීවරයින් සංඛ්‍යාව 81 දක්වා ද ටෝලර් රථ සංඛ්‍යාව 87 දක්වාද ඉහළ ගොස් ඇත.
අත්අඩංගුවට ගනු ලැබූ ධීවරයින් නීතිමය පියවර ගැනීම සඳහා යාපනයේ ධීවර හා ජලජ සම්පත් දෙපාර්තමේන්තුව වෙත භාර දීමට නියමිත බව නාවික හමුදාව පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
