අමාත්‍යවරයා එම අදහස් පළකර සිටියේ තඹුත්තේගම වෙහෙරගල පැවති ශ‍්‍රී.ලං.නි.ප. සංවිධාන කාන්තා වැඩමුළුවක් අමතමිනි.
අනුන්ගේ අදහස් උදහස්වලට කන්දීමට නොහැකි විවේචන ඉවසිය නොහැකි දේශපාලඥයන්ට අනාගතයක් නැහැ. ලාහට ගෙම්බන් එකතු කරමින් සිටින විපක්‍ෂයට මේ කප පවතින තුරු පොදු අපේක්‍ෂකයෙකු ජනාධිපති තරගය සඳහා තෝරාගත නොහැකි වනු ඇත. යම් හෙයකින් පොදු අපේක්‍ෂකයෙකු ඉදිරිපත් කළත් ඔහු පරාජයට පත්කිරීම සඳහා ඔවුන් විසින්ම උපරිම බලය යොදවන බවද එයට හොඳම උදාහරණය පසුගිය ජනාධිපතිවරණයට ඉදිරිපත් කළ පොදු අපේක්‍ෂක සරත් ෆොන්සේකා මහතා පරාජයට පත් කිරීම සඳහා රනිල් වික‍්‍රමසිංහ මහතා ප‍්‍රමුඛ විපක්‍ෂය කටයුතු කිරීම බවත් ප‍්‍රධාන අමාත්‍යවරයා කීය.
විධායක ජනාධිපති පදවියට පත්වන කිසිවෙකුට විධායක ජනාධිපති පදවිය අහෝසි කළ නොහැකි බවත් විධායක ජනාධිපති පදවිය අහෝසි කළ හැක්කේ පාර්ලිමේන්තුවේ තුනෙන් දෙකක ඡන්දෙන් පමණක් බවත් කීය.
යුද්ධය අවසන් කර රටට සාමය උදාකර රට වේගවත් සංවර්ධනයකට යොමු කළ මහින්ද රාජපක්‍ෂ ජනාධිපතිතුමාට එරෙහිව සටන් පාඨ නොමැතිව විධායක ජනාධිපති ක‍්‍රමය අහෝසි කිරීමට හඬ නගන්නේ විධායක ජනාධිපති ක‍්‍රමය රටට දායාද කළ ජේ.ආර්.ගේ බෑණා වූ එ.ජා.ප. නායක රනිල් වික‍්‍රමසිංහ මහතා වීම ලොකුම විහිළුව බවද අමාත්‍යවරයා මෙහි දී සඳහන් කළේය.
NDH
