මිලියන 200 ක මුදලක් වැය කොට ඉදි කර ඇති මෙම ශ්‍රවණාගාරය මහල් තුනකින් යුක්තය. ආසන 700 කින් යුක්තව වායුසමීකරණය කොට ඉදි කොට ඇති මෙම ශ්‍රවණාගාරය අංග සම්පූර්ණ ශ්‍රවණාගාරයක තිබිය යුතු සෑම පහසුකමකින්ම සමන්විතය.
ආපන ශාලාවක් ,වේශ නිරූපණය සඳහා අවශ්‍ය කාමර පහසුකම්, ප්‍රභූන්ට රැදී සිටිය හැකි කාමර සහ වාහන නවතා තැබීමේ පහසුකම් වලින්ද සමන්විතව ඉදි කොට ඇති මෙම ශ්‍රවණාගාරය මහනුවර දිස්ත්‍රික්කයේ මෙතෙක් ඉදි වූ විශාලතම ශ්‍රවණාගාරය ලෙසද හැදින්විය හැකිය.
ශ්‍රවනාගාරය විවෘත කිරීමේ අවස්ථාව සඳහා ස්වදේශ කටයුතු අමාත්‍ය වජිර අබේවර්ධන, මහා මාර්ග හා උසස් අධ්‍යාපන අමාත්‍ය ලක්ෂ්මන් කිරිඇල්ල, සුබ සාධන හා කන්ද උඩරට උරුමය පිළිබඳ අමාත්‍ය එස්.බී. දිසානායක සහ මධ්‍යම පළාත් ප්‍රධාන අමාත්‍ය සරත් ඒකනායක යන මැති අමැතිවරු ඇතුළු සම්භාවනීය පිරිසක් සහභාගී වීමට නියමිතය.
මහනුවර දිස්ත්‍රික් මාධ්‍ය ඒකකය
