ඒ මහතා මේ බව ප්‍රකාශ කළේ අද (29) ජාතික ජලජීවී වගා සංවර්ධන අධිකාරියේ ශ්‍රවණාගාරයෙහි පැවැත් වූ "දියවර අරුණ" ධීවර ජනතාවගේ ආකල්ප වර්ධනය කිරීමේ සමාරම්භක උත්සවයට සහභාගී වෙමිනි.
ධීවර හා ජලජ සම්පත් අමාත්‍යවරයාගේ සංකල්පයක් මත ක්‍රියාත්මක වන මෙහි මූලික තේමාව වන්නේ "ආකල්ප වර්ධනය ජයග්‍රහණයේ මාවතයි" යන්නයි.
"දියවර අරුණ" ජාතික වැඩසටහනෙහි මූලික අරමුණ වන්නේ ඉදිරි අනාගතයේදී ධීවර ජනතාවගේ ජීවන මට්ටම නොසිතූ අයුරින් උසස් තලයටක ගෙන ඒම බවත් එහි මූලික පියවර ලෙස මෙම ආකල්ප සංවර්ධන වැඩසටහන ක්‍රියාත්මක කරනු ලබන බවත් පැවසූ අමාත්‍යවරයා වැඩි දුරටත් පවසා සිටියේ පාසල් දරුවන්ගේ සිට සියළුම ක්ෂේත්‍රයන්හි නියැලෙන්නන්ට මෙම ආකල්ප සංවර්ධනය අත්‍යාවශ්‍යය වන අතර ඒ හරහා සංවර්ධන ක්‍රියාවලිය ප්‍රජා මූලික සංවර්ධන වැඩසටහන් සේ ක්‍රියාත්මක කිරීම තුළින් රටේ ආර්ථිකය ශක්තිමත් කිරීමට ද දායක වීම සිය අමාත්‍යංශයේ අරමුණ වන බවයි.
එහිදී සියලුම ධීවර නැංගුරම්පලවල් ජාතික ධීවර සමිතීන් වෙත හාරදීම සඳහා වන කැබිනට් පත්‍රිකාවක් ඉදිරියේදී කැබිනට් මණ්ඩල අනුමැතිය සඳහා ඉදිරිපත් කරන බවත් අවසානයේ පාරිභෝගිකයාට අවශ්‍යය කල් ඉකුත් නොවූ පිරිසිදු මත්ස්‍ය වෙළඳපොලක් ඇති කිරීමට බලාපොරොත්තු වන බවත් අමාත්‍යවරයා පැවසීය.
මෙම වැඩමුළුවෙහි මුඛ්‍ය දේශනය ප්‍රවීන දේශක චන්න කරුණාරත්න මහතා විසින් සිදු කළ අතර අමාත්‍යංශයේ අධ්‍යක්ෂකවරුන්, නිලධාරීන්,ජාතික ධීවර සම්මේලනයේ නායකයින්, දිස්ත්‍රික් ධීවර නියෝජිතයින් සහ ධීවර ජනතාවගේ සහභාගීත්වයෙන් පැවැත්විණි.
