ඒ අනුව හෙට (10) දින පෙ.ව. 9.00 ට මහනුවර සාන්ත සිල්වෙස්තර විද්‍යාලයේ ප්‍රාථමික අංශයේ ප්‍රධාන ශාලාවේදී සංවර්ධන උපාය මාර්ග හා ජාත්‍යන්තර වෙළද අමාත්‍ය මලික් සමරවික්‍රම මහතාගේ ප්‍රධානත්වයෙන් මෙම රැකියා පොළේ සමාරම්භක අවස්ථාව පැවැත්වීමට නියමිතය.
මෙම වැඩසටහන මගින් ශ්‍රී ලංකා ආයෝජන මණ්ඩලය සහ අපනයන සංවර්ධන මණ්ඩලය යටතේ ක්‍රියාත්මක වන ආයතනවල පවතින පුරප්පාඩු සඳහා පුහුණු නුපුහුණු අංශ දෙක යටතේම බඳවා ගැනීම් සිදු කිරීමට නියමිතය.
පාසල් හැර ගොස් සිටින සහ සුදුසු රැකියා අපේක්ෂාවෙන් පසුවන සියලු රැකියා විරහිත තරුණ තරුණියන්ටම මෙම අවස්ථාව සඳහා සංවර්ධන උපාය මාර්ග හා ජාත්‍යන්තර අමාත්‍යංශය මඟින් ඇරයුම් කර සිටී.
