අමාත්‍යවරයා මෙම අදහස් පළ කළේ පසුගියදා මහනුවර දිස්ත්‍රික් ලේකම් කාර්යාලීය ශ්‍රවණාගාරයේ පැවති විශේෂ රැස්වීමකදීය.
දිවයිනේ බොහෝ ප්‍රදේශවලට බලපා ඇති කැළි කසල ප්‍රශ්නයට විසඳුමක් වශයෙන් මධ්‍යම පරිසර අධිකාරිය මඟින් දිවයිනේ තෝරා ගත් ස්ථාන 04ක සනීපාරක්ෂක කසල රඳවන ඉදිකිරීමට සැලසුම් කෙරිණි. ඒ අතරින් දොම්පේ ප්‍රදේශයේ ඉදිකළ කසල රඳවනයේ වැඩ කටයුතු මේ වන විට සාර්ථකව අවසන්ව තිබේ.
ඉතුරු ව්‍යාපෘතිවල මූලික කටයුතු ද මේ වන විට ක්‍රියාත්මක කෙරමින් පවතී. එම ව්‍යාපෘති අතුරින් එක් ව්‍යාපෘතියක් මහනුවර ගෝනාධිකවත්ත ප්‍රදේශයේ ඉදිකිරීමට තීරණය කොට තිබේ. ඇමරිකන් ඩොලර් මිලියන 8.5ක් වැය කොට ඉදිකෙරෙන මෙම ව්‍යාපෘතිය සඳහා හෙක්ටයාර් 11ක ඉඩමක් මේ වන විටත් වෙන් කර ඇත. යෝජිත සනීපාරක්ෂක කසල රඳවනය මඟින් මහනුවර දිස්ත්‍රික්කයේ පළාත් පාලන ආයතන 11කින් බැහැර කරන කසල බැහැර කිරීමට සැලසුම් කර ඇති අතර ඒ හරහා දිනකට කසල ටොන් 76ක් ප්‍රතිචක්‍රීයකරණය කිරීමට අපේක්ෂිතය. කොරියන් රජයේ ආධාර සහ ශ්‍රී ලංකා රජයේ ප්‍රතිපාදන යොදවා ක්‍රියාත්මක කරන මෙම ව්‍යාපෘතිය 2016 වසර වන විට අවසන් කිරීමට නියමිතය.
NDH/TA_dmu_kandy
