තෙදිනක් පුරා අඛණ්ඩව ඇදහැලෙන අධික වර්ෂාව හේතුවෙන් ඇති වී තිබෙන ගංවතුරෙන් විපතට පත් ජනතාවට සහන සැලසීමේ වැඩසටහනක් විදේශ සේවා නියුක්ති කාර්යාංශයේ ගාල්ල දිස්‍ත්‍රික් කාර්යාලයේ ක්‍රියාත්මක වේ.
විදේශ රැකියා නියෝජ්‍ය අමාත්‍ය මනූෂ නානායක්කාර මහතාගේ මැදිහත්වීම මත මෙම වැසටහන ක්‍රියාත්මක වේ.
විශේෂයෙන්ම මේ වන විටත් අවතැන් වු මධ්‍යස්ථානවල රැඳීසිටින විපතට පත්වු ජනතාව සඳහා පිසු ආහාර හා බෝතල් කළ පානීය ජලය අත්‍යවශ්‍ය වී ඇත.
ඊට අදාළ සහනාධාර එකතු කිරීමේ මධ්‍යස්ථානයක් ගාල්ල කණවැල්ල විදේශ සේවා නියුක්ති කාර්යංශයේ පිහිටුවා ඇති අතර ඒ සඳහා ඔබගේ සියලු පරිත්‍යාග ලබාදීමේ හැකියාව පවතී. වැඩිදුර තොරතුරු 0912245224 හෝ 0773126914 වෙතින් ලබාගත හැකිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
