ප්‍රාදේශීය ක්‍රීඩා යටිතල පහසුකම් සංවර්ධනය ව්‍යාපෘතිය යටතේ උඩුනුවර වැරැල්ලමාන ක්‍රීඩාංගණය හා වොලිබෝල් පිටිය ඉදිකිරීම සඳහා රුපියල් දස ලක්ෂයක් ලබාදී ඇති අතර අලපලාවල ක්‍රීඩාංගණය හා වොලිබෝල් පිටිය සඳහා රුපියල් ලක්ෂ 17ක් ද, පමුණුව ප්‍රාථමික විද්‍යාලයේ ක්‍රීඩාංගණය සඳහා රුපියල් ලක්ෂ 10ක් ද, ලංකාතිලක විද්‍යාලයේ ක්‍රීඩා පිටිය සඳහා රුපියල් ලක්ෂ 30ක්ද, හෑපාන පාසලේ ක්‍රීඩාංගණය සඳහා රුපියල් ලක්ෂ 10ක් ද, ලගමුව විද්‍යාලයේ ක්‍රීඩාංගණය සඳහා රුපියල් ලක්ෂ 15ක් ද, ගෝනාදිකාවත්ත සිංහල දෙමළ විදුහල් ක්‍රීඩාංගණය සඳහා රුපියල් ලක්ෂ 12ක් ද, රංගොඩ ගොවි සෙවණ ක්‍රීඩාංගණය සඳහා රුපියල් ලක්ෂ 10ක් ද ක්‍රීඩා අමාත්‍යංශය මඟින් වැය කර තිබේ.
දිවයිනේ සෑම පාසල් සිසුවෙකුටම ක්‍රීඩාව අනිවාර්යය කර තිබෙන බැවින් පාසල් ක්‍රීඩා සංවර්ධනය කිරීම අනිවාර්යය කටයුත්තක් ලෙස සලකා දිවයිනේ සෑම පාසලකටම උපරිම රු. ලක්ෂ 5ක ක්ෂණික වැය ඇස්තමේන්තුවක් කුඩා ක්‍රීඩාංගණ ප්‍රතිසංස්කරණය සඳහා ලබාදීමට ක්‍රීඩා අමාත්‍යංශය කටයුතු කරන අතර දිවයිනේ තෝරාගත් පාසල් සඳහා ක්‍රීඩා පහසුකම් වැඩිදියුණු කිරීමට මිලියන 200ක් මේ වනවිටත් වැය කර ඇතැයි ක්‍රීඩා අමාත්‍යංශය පවසයි.
මහනුවර දිස්ත්‍රික්කයේ පාසල්වල ක්‍රීඩා සංවර්ධනය සඳහා ක්‍රීඩා අමාත්‍යවරයා අතින් රු. ලක්ෂ 15ක ක්‍රීඩා භාණ්ඩ තොගයක්ද මෙහිදී ලබාදී ඇතැයි ක්‍රීඩා අමාත්‍යංශය වැඩිදුරටත් පවසයි.
DB
