මා මෙරට නොසිටි මොහොතක බේරුවල සිදු වූ අවාසනාවන්ත තත්ත්වය සමනය කිරීමට ජනතාව වෙනුවෙන් ඉදිරිපත් වී කැපවීමෙන් යුතුව ඉටු කළ මෙහෙවරට ප‍්‍රවාහන අමාත්‍ය කුමාර වෙල්ගම, වරාය සංවර්ධන අමාත්‍ය රෝහිත අබේගුණවර්ධන යන මහත්වරුන්ට, බේරුවල ජනතාව වෙනුවෙන් ස්තූතිවන්ත වන බව ධීවර හා ජලජ සම්පත් සංවර්ධන අමාත්‍ය වෛද්‍ය රාජිත සේනාරත්න මහතා පැවසූ බව එම අමාත්‍යාංශය පවසයි.
එසේම විදේශගතව සිටි ජනාධිපතිතුමා මෙරටට පැමිණි වහාම බේරුවල ප‍්‍රදේශයට පැමිණ ආගමික නායකයන් හා ජනතා නායකයන් හමු වී කඩිනමින් ගනු ලැබූ පියවරට ඉතාමත් ගෞරවයෙන් ස්තූතිවන්ත වන බව පැවසූ අමාත්‍යවරයා අගමැතිතුමා, බැසිල් රාජපක්‍ෂ අමාත්‍යතුමා, ෆවුසි අමාත්‍යතුමා, ආරක්‍ෂක ලේකම්තුමා, හමුදාපතිතුමා, පොලිස්පතිතුමා ඇතුළු ආරක්‍ෂක අංශයේ සියලුදෙනාටත්, ගැටලුව සමනය කරන්නට ඉදිරිපත් වූ බේරුවල සියලුම දෙනාටත් ස්තූතිවන්ත වන බව ද සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
