ඉලෙක්ට්‍රොනික් උපාංග භාවිතය දිනෙන් දින ඉහළ ගොස් තිබෙන අතර දිනපතා භාවිතයෙන් ඉවත් කරනු ලබන ඉලෙක්ට්‍රොනික් අපද්‍රව්‍ය අවිධිමත්ව බැහැර කිරීම මඟින් විවිධ පරිසර හා සෞඛ්‍ය ගැටලුවලට ජනතාව මුහුණ දෙමින් සිටින බව මෙහිදී වැඩිදුරටත් හෙළිවිය.
මේ පිළිබඳ මධ්‍යම පරිසර අධිකාරියේ නියෝජ්‍ය අධ්‍යක්ෂිකා මනෝජා ප්‍රියදර්ශනී මෙනවිය පැවසුවේ ඉලෙක්ට්‍රොනික් අපද්‍රව්‍ය එක්රැස් කිරීම හා නිසි පරිදි බැහැර කිරීම සඳහා ජාතික වැඩසටහනක් මධ්‍යම පරිසර අධිකාරිය මඟින් දැනටමත් ක්‍රියාත්මක කර තිබෙන බව පැවසුවාය.
මධ්‍යම පරිසර අධිකාරිය මඟින් අවසර ලබා දී ඇති ගිවිසුම් සහගත ආයතන ඉලෙක්ට්‍රොනික් අපද්‍රව්‍ය මිලදී ගැනීමට ඉදිරිපත් සිටී. දිස්ත්‍රික්කයේ ප්‍රජාපාදක වැඩසටහන් 09ක් සූදානම් කර තිබෙන අතර ඒ අනුව මොරටුව, සීතාවක, කඩුවෙල, මහරගම, හෝමාගම, කැස්බෑව හා ශ්‍රී ජයවර්ධනපුර යන ප්‍රදේශවල මෙම වැඩසටහන ක්‍රියාත්මක කරන බවද එතුමිය පැවසුවාය.
මෙම අවස්ථාවට ප්‍රාදේශීය ලේකම්වරුන්, සෞඛ්‍ය බලධාරීන් හා මධ්‍යම පරිසර අධිකාරියේ නිලධාරීන් ඇතුළු පිරිසක් සහභාගී වී සිටියහ.
