අද අපි ‘‘දිවි නැගුම’’ පිළිබඳව කතා කරන්නේ එතුමා රටට ලබාදුන් ජාතික නිදහස නිසා බවත් එසේ නොවුණි නම් පාසලේදී, පන්සලේදී, වැඩබිමේදී මෙන්ම මගතොටේදීත් කතා කළේ දිවි බේරා ගැනීම පිළිබඳව බවත් කීය.
"2009 වසරේ යුධ වියදම රුපියල් බිලියන 175යි. අද එම මුදල් විවිධ සංවර්ධන කාර්යයන් සඳහා වැය කරනවා. නිදහසින් පසුව රට පාලනය කළ නායකයින් සහ මහින්ද රාජපක්ෂ ජනාධිපතිතුමා අතර විශේෂ ලක්ෂණ ගණනාවක් තිබෙනවා. රට පිළිබඳ කාරණයේදී එතුමා ඉතා අභීතව, කිසිවෙකුට දණ නොගසමින් ඍජු තීන්දු තීරණ ගත්තා".
මහින්ද රාජපක්ෂ මහතා පරද්දන එක ලේසි නැති නිසා සිංහල, බෞද්ධ, හින්දු, මුස්ලිම් ඡන්ද ලබාගත හැකි තුන් වන අපේක්ෂකයෙක් ගේන්න ඩයස් පෝරාවටත්, තානාපති කාර්යාලවලටත් වුවමනා වී තිබෙන බවද ඒ මහතා මෙහිදී අවධාරණය කළේය.
‘‘දිවි නැගුම’’ ව්‍යාපෘතිය යටතේ පවත්වන ලද ගෘහ ආර්ථික වැඩසටහනේ ජයග‍්‍රාහක, ජයග‍්‍රාහිකාවන්ට කෘෂි උපකරණ හා ධීවර ආම්පන්න බෙදාදීමෙන් අනතුරුව පැවති උත්සවයේදී අමාත්‍යවරයා මේ බව ප‍්‍රකාශ කළේය. මෙම උත්සවය දෙවිනුවර ශ්රී විෂ්ණු දේවාලය අසල ‘‘හැපි කිඩ්ස්’’ පෙර පාසැල් පරිශ‍්‍රයේ දී පැවැත්විණි. දෙවිනුවර මැතිවරණ කොට්ඨාසයේ ග‍්‍රාම සේවක වසම් 41කට අයත් පවුල් 346කට මෙම ප‍්‍රතිපාදන ප‍්‍රදානය කරන ලදී.
දකුණු පළාත් සභා මන්ත්රී කංචන විජේසේකර, දෙවිනුවර ප‍්‍රාදේශී සභාවේ සභාපති සුජීව වෙදගේ යන මහත්වරු ඇතුළු පිරිසක් මෙම අවස්ථාවට එක්වූහ.
DB
