දිස්ත්‍රික් ලේකම් ඩී.පී.ජී. කුමාරසිරි මහතාගේ උපදෙස් මත අතිරේක දිස්ත්‍රික් ලේකම් යූ.ඩබ්.ආර්.යූ.එම්. අමරසේකර මහත්මියගේ ප්‍රධානත්වයෙන් පැවති මෙම වැඩසටහන සඳහා දිස්ත්‍රික්කයේ විශේෂ අවශ්‍යතා ඇති දරුවන්ගේ දෙමාපියන් 50කට ආසන්න පිරිසක් සහභාගී වී සිටියහ.
මුල් ළමාවිය නුවරඑළිය දිස්ත්‍රික් සම්බන්ධීකරණ ඒකකය විසින් මෙහෙයවන ලද මෙම වැඩසටහනෙහි විශේෂ දේශනය පවත්වන ලද්දේ නුවරඑළිය මහ රෝහලේ ළමා රෝග විශේෂ‍ඥ වෛද්‍ය ඉන්දිකා හේවගේ මහත්මිය විසිනි. එම උපදේශන සේවාවෙහි මුලික අරමුණ වූයේ විශේෂ අවශ්‍යතා ඇති දරුවන් හඳුනාගැනීම, ඔවුන්ට අවශ්‍ය අධ්‍යාපනික වටපිටාව හඳුනාගැනීම, ඔවුන්ට අවශ්‍ය ප්‍රතිකාර සේවා, එමෙන්ම ඔවුන් වටා පවතින පවුල් පරිසරය සහ බාහිර පරිසරය පිළිබඳව අවබෝධය ලබා දීමයි.
මෙහිදී විශේෂ අවධානයට ලක් වූයේ විශේෂ අවශ්‍යතා ඇති දරුවන් හැකිතාක් ස්වභාවික පරිසරයට සහ ස්වභාවික සෞන්දර්යට සමීප කරවීම වැදගත් වන බවයි. එය ඔවුන්ගේ මානසික සහ කායික යහ පැවැත්මට උපකාරී වන බව ද විශේෂ‍ඥ වෛද්‍යවරිය පෙන්වා දුන්නාය.
