නුවරඑළිය දිස්ත්‍රික්කයේ සියලු ආගමික නායකයන් ඇතුළුව ආරක්ෂක අංශ සහ සිවිල් සංවිධාන මූලිකත්වයෙන් මෙය පැවැත්විණි. නුවරඑළිය දිස්ත්‍රික්කයේ ජීවත් වන සියලු ජාතීන් නියෝජනය කරමින් විවිධ වූ පිරිස් සහ රාජ්‍ය අංශයේ නිලධාරීහු රැසක් මේ අවස්ථාවට සහභාගී වී සිටියහ.
නුවරඑළිය දිස්ත්‍රික් ලේකම් ඩී.පී.ජී. කුමාරසිරි මහතාගේ ප්‍රධානත්වයෙන් පැවති මෙම සාකච්ඡාවේදී සඳහන් කළේ මෙවන් වූ කනණගාටුදායක සිදුවීම් නුවරඑළිය දිස්ත්‍රික්කයේ ඇති නොවීමට කටයුතු කිරීම සියලුදෙනාගේ ප්‍රධාන වගකීමක් බවයි.
මේ වන විට නුවරඑළිය දිස්ත්‍රික්කයේ සහෝදරත්වයෙන් ජීවත්වන සියලු ජාතීන්ට අයත් පුරවැසියන්ගේ සමඟිය පිළිබඳව සියල්ලන්ගේම ඇගයීමට ලක් වූ අතර මේ දිස්ත්‍රික්කයේ සමඟිය සහ අන්‍යෝන්‍ය අවබෝධය වර්ධනය කරලීම සඳහා යෝජනා රැසක් ද සාකච්ඡාවට ලක් කෙරිණි.
මෙම වැඩසටහන් සඳහා සහභාගී වූ දිස්ත්‍රික් ජාතික ඒකාබද්ධතා නිලධාරී මඟින් ප්‍රාදේශීය මට්ටමින් ජාතික ඒකාබද්ධතා නිලධාරීන් දැනුවත් කර ඔවුන් හරහා සිවිල් සංවිධාන හා කමිටු පිහිටුවා මෙවන් ගැටුම් ඇති නොවීමටත් සහජීවනය ඇති කිරීමටත් වැඩසටහන් දියත් කිරීමට කටයුතු කරන ලෙස දිස්ත්‍රික් ලේකම්වරයා විසින් උපදෙස් දෙන ලදී.
මෙවැනිම වූ සාකච්ඡා ප්‍රාදේශීය ලේකම් කොට්ඨාස මට්ටමින් සහ ග්‍රාම සේවා කොට්ඨාස මට්ටමින් සංවිධානය කිරීමටත් මෙහිදී පියවර ගෙන තිබූ බව නුවරඑළිය අප දිස්ත්‍රික් මාධ්‍ය ඒකකය පැවසීය.
