දිස්ත‍්‍රික්කයේ මුල් ළමාවිය පෙරපාසල් දරුවන්ගේ පෝෂණ මට්ටම ඉහළ නැංවීම හා දේශීය කිරි ගොවියා නගාසිටුවීමේ අරමුණින් මෙම වැඩසටහන ක‍්‍රියාවට නැංවේ.
මාතර දිස්ත‍්‍රික්කයේ ප‍්‍රාදේශිය ලේකම් කොට්ඨාස 16ම ආවරණය වන පරිදි පෙර පාසල් 130ක මුල් ළමාවිය දරුදැරියන් 4000ක පිරිසකට මිලි ලීටර් 150 බැඟින් වූ නැවුම් එළකිරි වීදුරුවක් ලබාදීම මේ අනුව සිදු කෙරේ.
අදාළ ප‍්‍රාදේශිය ලේකම් කොට්ඨාසවල තිබෙන පශු සම්පත් සංවර්ධන මණ්ඩලයට අයත් මධ්‍යස්ථාන, මිල්කෝ ආයතනය, මිල්කෝ ආයතනයේ ලියාපදිංචි කිරි ගොවි සමිති, අනෙකුත් කිරි ගොවි සමිති හා ප‍්‍රාදේශිය ලේකම්වරයාගේ අභිමතය පරිදි ඔහු සෑහීමකට පත්වන ප‍්‍රදේශයේ කිරි ගොවීන් මඟින් කිරි මිලදී ගැනීම සිදුකරයි.
දීප ව්‍යාප්තව ක‍්‍රියාත්මක කරන මෙම වැඩසටහන සඳහා ළමා සංවර්ධන හා කාන්තා කටයුතු අමාත්‍යංශය මුදල් ප‍්‍රතිපාදන සපයයි.
මාතර දිස්ත‍්‍රික්කයේ දැනට මේ සඳහා ඇතුළත් කර නොගත් පෙර පාසල් ද ඉදිරියේදී ලැබෙන මුදල් ප‍්‍රතිපාදන අනුව ඇතුළත් කර ගැනීමට කටයුතු කරන බව ජාතික ළමා ලේකම් කාර්යාලයේ මාතර දිස්ති‍්‍රක් කාර්යාල ස්ථාන භාර, දිස්ත්රික් මුල් ළමාවිය සංවර්ධන නිලධාරී මහේෂ් ප‍්‍රීතිකුමාර මහතා පවසයි.
DB/ TI Dmu matara
