මේ සඳහා රුපියල් කෝටි 467ක් වැය කෙරේ.
මේ වන විට උතුරු මැද පළාතට අයත් අනුරාධපුර හා පොලොන්නරුව දිස්ත‍්‍රික්ක දෙකේ පාසල් 83ක මහින්දෝදය තාක්ෂණික විද්‍යාගාර ඉදිවෙමින් පවතී. පොලොන්නරුව රාජකීය විදුහලේ, මැදිරිගිරිය ජාතික පාසලේ, අනුරාධපුර හා රඹෑව මහ විදුහල්වල මහින්දෝදය තාක්ෂණික විද්‍යාගාර විවෘත කරමින් සිසු අයිතියට පත් කර තිබේ.
අනුරාධපුර වලිසිංහ හරිස්චන්‍ද්‍ර මහ විදුහලේ මහින්දෝදය තාක්ෂණ විද්‍යාගාරය ඉදිකිරීම සඳහා උතුරු මැද පළාත් ප‍්‍රධාන අමාත්‍යවරයා මුල්ගල තැබීමට ද කටයුතු කළේය.
තඹුත්තේගම මධ්‍ය මහා විදුහලේ තාක්ෂණ විද්‍යා පීඨයේ ඉදිකිරීම් කටයුතු අරඹා ඇති අතර 30 වසරක ත‍්‍රස්තවාදයෙන් උතුරු මැද පළාතේ අධ්‍යාපනය අඩාල වී තිබූ බවත් ජනාධිපතිතුමාගේත් රජයේත් උදව් උපකාර මත උතුරු මැද පළාතේ අධ්‍යාපනය ගොඩනැංවීමේ කාර්යයේ පළාත් සභාව නියැළි සිටින අවස්ථාවක තාක්ෂණ විද්‍යා පීඨ හා මහින්දෝදය තාක්ෂණ විද්‍යාගාර ලබාදීම පිළිබඳව පළාත් සභාවේත් ජනතාවගේත් ප‍්‍රණාමය ජනාධිපතිතුමාට පුදකරන බව මේ පිළිබඳ අදහස් දැක්වූ ප‍්‍රධාන අමාත්‍ය එස්.එම්. රංජිත් සමරකෝන් මහතා පැවසීය.
NDH/HC
