අනුරාධපුර රෝහලේ අංක 08 හා 38 වාට්ටු පිළිකා රෝගීන්ගෙන් පීරී ඇති බවත්, නේවාසික රෝගීන් එක ඇඳේ දෙදෙනා බැගින් සිටින බවත් බාහිර රෝගින්ට ප්‍රතිකාර ලබාදීමේ දි දැඩි අපහසුතා ඇති වී තිබෙන බවත් පසුගියදා මාධ්‍ය මඟින් අනාවරණ කර තිබුණි.
මේ වසරේ දී පසුගිය වසරවලට වඩා පිළිකා රෝගීන්ගේ වැඩි වීමක් දක්නට ලැබෙන නිසා එම රෝගීන්ට පහසුවෙන් හා කඩිනමින් ප්‍රතිකාර ලබාගැනීමට අවශ්‍ය පසුබිමක් සැකසිය යුතුව තිබෙන බැවින් මෙම පිළිකා රෝහල ඉදිකිරීමට තීරණය කළ බව ප්‍රධාන අමාත්‍යවරයා පැවසීය.
මේ සඳහා පරිත්‍යාගශීලින්ගේ සහය පතන බවත් පිළිකා රෝහලේ පළමු අදියර ආරම්භ කිරීම සඳහා රුපියල් මිලියන 150ක් වෙන්කරන බවත් උතුරු මැද පළාත් ප්‍රධාන අමාත්‍යවරයා වැඩිදුරටත් සඳහන් කරයි.
DB/ECB
