එහි දෙවන දැනුවත් කිරීමේ වැඩසටහන සමුපකාර හා අභ්‍යන්තර වෙළඳ නියෝජ්‍ය අමාත්‍ය හේමාල් ගුණසේකර මහතාගේ ප‍්‍රධානත්වයෙන් පසුගියදා වැලිගම නගර සභා ශාගාවේදී පැවැත්විණි.
පාරිභෝගික කටයුතු පිළිබඳ අධිකාරි පනතට අනුව පාරිභෝගික ජනතාව සතු අයිතිවාසිකම්, එම අයිතිවාසිකම් සුරැකීම සඳහා ව්‍යාපාරික ප‍්‍රජාව සතු වගකීම, නීතිමය වශයෙන් සුරක්ෂිත කර ඇති පාරිභෝගික අයිතිවාසිකම් කඩ කිරීම දඬුවම් ලැබිය හැකි වරදක් බව සහ ඒ ඒ වරදට අදාළ දඬුවම් ආදිය පිළිබඳව මෙහිදී දැනුවත් කිරීම සිදුකරන ලදි.
මෙහි සමාරම්භක අවස්ථාවට දිස්ත‍්‍රික් ලේකම්වරිය හා වැලිගම නගරාධිපතිවරයා සහභාගි වූ අතර වැඩසටහන සඳහා 600කට ආසන්න ව්‍යාපාරිකයින් පිරිසක් සහභාගි වූහ.
මාතර දිස්ත‍්‍රික් ලේකම් ඊ.ඒ.සී. විදානගමාච්චි මහත්මියගේ ද මගපෙන්වීම හා උපදෙස් යටතේ විශේෂ වැටලීම් ප‍්‍රධානී ආර්.පී. ලක්ෂ්මන් මහතා ඇතුළු පාරිභෝගික කටයුතු පිළිබඳ අධිකාරියේ මාතර දිස්ත‍්‍රික් කාර්යාලය මෙම දෙවන දැනුවත් කිරීමේ වැඩසටහන සංවිධානය කරන ලදි.
DB/TI Dmu matara
