පසුගියදා පවත්වන ලද තරග විභාගයේ ප්‍රතිඵල මත මාතලේ දිස්ත්‍රික්කයට බඳවාගෙන සාර්ථක ලෙස සේවාස්ථ පුහුණුව අවසන් කළ නවක ග්‍රාම නිලධාරින් 166 දෙනෙකු සඳහා පත්වීම් ලිපි ප්‍රදානය කිරීමේ උත්සවය හෙට (10) පෙ.ව. 9.00ට දිස්ත්රික් ලේකම් කාර්යාලයීය ශ්‍රවණාගාරයේදී සිදු කරන බව මාතලේ දිස්ත්රික් ලේකම් හෙලන් ඒ. මීගස්මුල්ල මහත්මිය පැවසුවාය.
මේ අනුව උකුවෙල 25ක්, නාඋල 17ක්, පල්ලේපොළ 23ක්, ලග්ගල 16ක්, ගලේවෙල 19ක් , දඹුල්ල 09ක් , යටවත්ත 13ක්, රත්තොට 14ක්, විල්ගමුව 11ක්, අඔන්ගඟ කෝරළේ 09ක් සහ මාතලේ 10ක් වශයෙන් පැවැති පුරප්පාඩු සඳහා මෙම නවක ග්‍රාම නිලධාරීන් අනුයුක්ත කරන බව දිසාපතිවරිය පැවසීය.
දිස්ත්‍රික්කයේ මැති ඇමතිවරුන්ගේ ප්‍රධානත්වයෙන් මේ උත්සවය පවත්වන බව ද ඇය වැඩිදුරටත් සඳහන් කළාය.
NDH/GNK-ISB dmu matale
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
