කොරියානු ආයෝජකයන් පිරිසක් නිපුණතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර මහතා හමු වු අවස්ථාවේ දී මේ බව පොරොන්දු වී ඇත. මෙම හමුව පසුගිය දා නිපුණතා සංවර්ධන හා වෘත්තීය පුහුණු අමාත්‍යංශයේ දී සිදු විය.
මෙහිදී ඔවුන් ඇමැතිවරයා වෙත දැනුම් දුන්නේ ශ්‍රී ලංකාවේ වෘත්තීය පුහුණු පහසුකම් ඇති කිරීම සඳහා කොරියානු රජයෙන් ලබාදෙන මූල්‍ය පහසුකම් මත ඉදිකිරීමට යෝජිත එම මධ්‍යස්ථානයේ දී කොරියානු රැකියා සඳහා යන තරුණ තරුණියන් හට නව තාක්ෂණික දැනුම සහිත නේවාසික පුහුණුවක් ලබාදිය හැකි බවය.
