දේශයක් අවදි කළ, ජාතියක් පුබුදු කළ, ශ්‍රීමත් අනගාරික ධර්මපාල තුමාගේ ජාතික, ආගමික, සංස්කෘතික මෙහෙවර අගයමින් “දෙස බස රැස සසුන සුරකින අනගාරික ධර්මපාල පරපුරක් හදමු“ යන තේමාව මූලික කර ගනිමින් 151වන ජන්ම දින වැඩසටහන හෙට (15) පෙ.ව. 8.30 ට මාතර දිස්ත්‍රික් ලේකම් කාර්යාලීය ගාමිණී ජයසේකර ශ්‍රවණාගාරයේ දී පැවැත්වේ.
මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මියගේ උපදේශකත්වය යටතේ සංවිධානය කරන ලද මෙම වැඩසටහනේ දී මාතර බෝධීන් වහන්සේ අසළ පිහිටි අනගාරික ධර්මපාල පිළිරැවට පුෂ්පෝපහාර පුද කිරීම, ධර්මපාල තුමා ස්මරණය කරමින් රුක් රෝපණය කිරීම, ධර්මපාල තුමාගේ ජීවන පෙළහර - වර්තා වැඩසටහන ප්‍රදර්ශනය කිරීම හා රැහුණ විශ්ව විද්‍යාලයේ පශ්චාත් උපාධි අධ්‍යයන පීඨයේ පීඨාධිපති මහාචාර්ය එල්.පී. ජයතිස්ස මහතා විසින් සමාරාධිත දේශනය සිදු කිරීම මෙහි දී සිදු කෙරේ.
මාතර දිස්ත්‍රික් කාර්යාලය වැඩසටහන සංවිධානය කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
