පාරම්පරික වට්ටෝරුවලට අනුව හෙළ කැඳ නිෂ්පාදනය කරනු ලබන හෙළසුවය සංවිධානය මඟින් මෙම වැඩමුළුව පවත්වන ලදී.
මේ සම්බන්ධයෙන් මීට ප්‍රථම පසුගිය 11 වැනි දා ආරක්‍ෂක ලේකම් බී. එම්. යූ. ඩී. බස්නායක මහතාගේ ප්‍රදානත්වයෙන්ද වැඩමුළුවක් පැවති අතර එහිදී මෙම කැඳ ශ්‍රී ලංකා ත්‍රිවිධ හමුදාව සඳහා හඳුන්වා දීමේ වැදගත්කම පිළිබදව අවධාරනය කෙරිණ.
අමාත්‍යාංශ කාර්ය මණ්ඩලය සඳහා ඊයේ පැවති වැඩසටහනේ දී වෛද්‍ය කේ.එස්. දහනායක මහතා හා ප්‍රියන්තා සේනානායක මහත්මිය විසින් මේ පිළිබඳව සවිස්තර වාර්තා ඉදිරිපත් කරමින් මෙම පිරිස දැනුවත් කිරීම සිදු කරන ලදී.
මෙම අවස්ථාව සඳහා ආරක්‍ෂක අමාත්‍යාංශයේ සේවා වනිතා ඒකකයේ සභාපතිනිය වන එස්.බස්නායක මහත්මිය, අතිරේක ලේකම් (පාලන) ඉන්දු රත්නායක මහත්මිය ඇතුළු අමාත්‍යාංශයේ විශාල පිරිසක් සහභාගී වූහ.
