අගෝස්තු 17 වන දින පැවැත්වීමට නියමිත 2015 මහ මැතිවරණයට අදාළව මාතර දිස්ත‍්‍රික්කයේ නාමයෝජනා බාරගැනීමේ කටයුතු ඊයේ (06) දින සිට 13 වැනිදා මධ්‍යාහ්න 12.00 දක්වා මාතර දිස්ති‍්‍රක් තේරීම්භාර නිලධාරී/මාතර දිස්ති‍්‍රක් ලේකම් ඊ. ඒ. සී. විදානගමාච්චි මහත්මියගේ ප‍්‍රධානත්වයෙන් මාතර දිස්ත‍්‍රික් ලේකම් කාර්යාලයේ දී සිදු කෙරේ.
මාතර දිස්ති‍්‍රක්කයේ ඡන්ද ප‍්‍රදේශ 07 හි ඡන්ද කොට්ඨාස 444 ක ඡන්ද දායකයින් 623,818 දෙනෙකු මෙවර මහ මැතිවරණය සඳහා ඡන්දය ප‍්‍රකාශ කිරීමට සුදුසුකම් ලබා සිටිති.
මෙවර මහ මැතිවරණයේදී මාතර දිස්ත‍්‍රික්කයෙන් පාර්ලිමේන්තු මන්ත‍්‍රීවරුන් 08දෙනෙකු තෝරා පත් කර ගැනීමට නියමිත ය.
මේ වන විට මාතර දිස්ත‍්‍රික්කයේ නාමයෝජනා බාරදීමක් සිදු නොවූ අතර ස්වාධීන කණ්ඩායම් 03 ක් පමණක් ඇප මුදල් තැන්පත් කර තිබේ.\
SDF/dmu_Mathara
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
