උතුරු මැද පළාත් සභා රාජකාරී ගමන් බිමන් සඳහා පළාත් සභාව විසින් මිලදී ගන්නා ලද වාහන 34ක් අදාළ අමාත්‍යංශ ප‍්‍රධානීන් වෙත ලබාදීමේ අවස්ථාවට සහභාගී වෙමින් උතුරු මැද පළාත් ප්රධාන අමාත්‍යවරයා පසුගියදා මේ බව පැවසීය.
මෙම වාහන මිලදී ගැනීම සම්බන්ධයෙන් දැක්වූ පළාත් ප්රධාන ලේකම් එච්.එම්.ආර්.බී. හේරත් මහතා, උතුරු මැද පළාත් රාජ්‍ය සේවයේ කාර්යක්ෂම බව හා රාජකාරී ගමන් බිමන්වල දී මතුවන ප‍්‍රවාහන ගැටලු නිරාකරණය කිරීම සම්බන්ධයෙන් දීර්ඝ කාලයක් තිස්සේ පැවති ප‍්‍රවාහන දුෂ්කරතාවලට පිළියමක් වශයෙන් මේ වාහන ලබා දුන් බව පැවසීය.
කැබ් රථ 24ක් වෑන් රථ 07ක් හා මෝටර් රථ 03ක් මේ සඳහා මිලදී ගත්තා. අත්‍යවශ්‍ය හේතූන් පදනම් කරගෙන වාහන එකක් හෝ දෙකක් මිලදී ගත් අවස්ථා ඇති නමුදු වසර ගණනාවකට පසු පළාත් සභාව සඳහා වාහන 34ක් ලබාගත් පළමු අවස්ථාව මෙයයි. වසර ගණනාවක් පාවිච්චි කරනු ලබන දැනට පළාත් සභාව සතු ඇතැම් වාහන වාර්ෂිකව සිදුවන අලුත්වැඩියා සඳහා රුපියල් ලක්ෂ දෙක, තුන වැය වෙනවා. වරින් වර සිදු කරන මේ අලුත්වැඩියාවන් සඳහා විශාල මුදල් ප‍්‍රමාණයක් වැය වෙනවා. ගෙන්වා ඇති සියලු වාහන තීරු බදු රහිත ඒවායි. මෙසේ ලබාගත් වාහන පළාත් අමාත්‍යංශවල ලේකම්වරුන් වෙත නිදහස් කරනවා. අදාළ ලේකම්වරුන්ගේ පූර්ණ වගකීම යටතේ අමාත්‍යංශවලට අදාළ දෙපාර්තමේන්තු හා ආයතනවල අවශ්‍යතා අනුව එම වාහන ලබා දිය යුතුයි. පළාත් සභාව සඳහා දැනට අවශ්‍යව ඇති වාහන ප‍්‍රමාණය 74ක් වුවද මූල්‍ය තත්ත්වයන් හා සැලකිල්ලට ගනිමින් වාහන 34ක් පමණක් මිලදී ගැනීමට තීරණය කළ බවද පළාත් ප්රධාන ලේකම්වරයා පැවසීය.
මේ අවස්ථාවට අමාත්‍යංශ ලේකම්වරු, දෙපාර්තමේන්තු ප‍්‍රධානීහු ඇතුළු විශාල පිරිසක් සහභාගී වූහ.
NDH
