මොනරාගල දිස්ත්‍රික්කයේ, මඩුල්ල ප්‍රාදේශීය ලේකම් කොට්ඨාසයේ බදුලුවෙල රක්ෂිතයේ ඇති තේක්ක වගාවේ කිසිදු විනාශයක් සිදු නොවන බවත් එම රක්ෂිතයේ අනවසර පදිංචිකරුවන් නොමැති බවත් වනජීවී සම්පත් සංරක්ෂණ අමාත්‍ය විජිත් විජිතමුණි සොයිසා මහතා පවසයි.
අමාත්‍යවරයා මෙසේ පැවසුවේ අද (28) පාර්ලිමේන්තුවේදී පාර්ලිමේන්තු මන්ත්‍රී රංජිත් මද්දුම බණ්ඩාර මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
බදුලුවෙල රක්ෂිතයේ පදිංචිව සිටින්නේ වනෝද්‍යානය ගැසට් කිරීමට පෙර සිට ජීවත් වූ ජනතාව බවත් ඉදිරියේදී එහි මායිම් නිර්ණය කිරීමට නියමිත බවත් අමාත්‍යවරයා පෙන්වා දුන්නේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
