දේශීය වෛද්‍ය අමාත්‍යාංශයේ නියාමනය යටතේ සම්බාහන මධ්‍යස්ථාන 60ක් ක්‍රියාක්මක වන බවත් ඊට අමතරව ව්‍යාපාර ස්ථාන ලෙස පවත්වාගෙන යනු ලබන සම්බාහන මධ්‍යස්ථාන නියාමනය කිරීමට එම අමාත්‍යාංශයට බලයක් නැති බවත් දේශීය වෛද්‍ය අමාත්‍ය සාලින්ද දිසානායක මහතා පවසයි.
අමාත්‍යවරයා මෙසේ පැවසුවේ අද (28) පාර්ලිමේන්තුවේදී පාර්ලිමේන්තු මන්ත්‍රී පී. හැරිසන් මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මීට අමතරව පළාත් සභා හා ප්‍රාදේශීය ලේකම් කාර්යාලවල ලියාපදිංචි සම්බාහන මධ්‍යස්ථාන ද පවතී. ඒවා නියාමනය කිරීම සම්බන්ධයෙන් පනතේ සඳහන් නො වේ. මේ නිසා නීත්‍යනුකූලව දේශීය වෛද්‍ය අමාත්‍යාංශයට කටයුතු කළ හැකි පරිදි අදාළ පනත සංශෝධනය කිරීමට සැලසුම් කර ඇති බව ද අමාත්‍යවරයා පෙන්වා දුන්නේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
