අපවත් වී වදාළ සියම් මහා නිකායේ කෝට්ටේ ශ්‍රී කල්‍යාණි සාමග්‍රීධර්ම මහා සංඝ සභාවේ අතිගරු මහා නායක අග්ගමහා පණ්ඩිත, සාහිත්‍යසූරී බෙල්ලන ශ්‍රී ඤාණවිමල හිමිපාණන් වහන්සේගේ ශ්‍රී දේහයට ජනාධිපති මහින්ද රාජපක්ෂ මැතිතුමා අද (06) අවසන් ගෞරව දැක්වීය.
උන් වහන්සේගේ ශ්‍රී දේහය තැන්පත් කර ඇති කොල්ලුපිටිය වාළුකාරාම විහාරස්ථානය වෙත අද දහවල් ගිය ජනාධිපතිතුමා ශ්‍රී දේහයට අවසන් ගෞරව දක්වා උන් වහන්සේගේ ශිෂ්‍ය භික්ෂූන් වහන්සේලා ඇතුළු විහාරස්ථ දායක සභාවන් වෙත සිය සාතිශය සංවේගය පළ කර සිටියේය.
බෙල්ලන ශ්‍රී ඤාණවිමල මහා නායක හිමිපාණන් වහන්සේගේ ශ්‍රී දේහය පිළිබඳ ආදාහන පූජෝත්සවය පූර්ණ රාජ්‍ය ගෞරව සහිත ව හෙට (07) කොළඹ දී සිදු කෙරේ.
HC/pmu_pics by: Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
