ඌව පළාත් සභා මැතිවරණයේ එක්සත් ජනතා නිදහස් සන්ධානයේ ජයග්‍රහණය තහවුරු කෙරෙන බදුල්ල දිස්ත්‍රික් විජයග්‍රාහී අවසන් මහා ජන රැළිය ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (17) පස්වරුවේ මහියංගනය මහජන ක්‍රීඩාංගණයේදී පැවැත්විණි.
"ජය රටටයි ඌව අපේ" තේමාව ඔස්සේ පැවැති මේ ජන රැළිය සඳහා අතිවිශාල ජනකායක් සහභාගි වී සිටියහ.
ජ්‍යේෂ්ඨ අමාත්‍ය අතාවුද සෙනෙවිරත්න, අමාත්‍යවරුන් වන නිමල් සිරිපාල ද සිල්වා, සුසිල් ප්‍රේමජයන්ත, කෙහෙළිය රඹුක්වැල්ල, ලක්ෂ්මන් සෙනෙවිරත්න, සබරගමුව පළාත් ප්‍රධාන අමාත්‍ය මහීපාල හේරත්, බස්නාහිර පළාත් ප්‍රධාන අමාත්‍ය ප්‍රසන්න රණතුංග, පාර්ලිමේන්තු මන්ත්‍රී තේනුක විදානගමගේ යන මහත්වරු එයට එක් ව සිටියහ.
NDH/pmu_pix by Chandana Perera
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
