මීටර් 400 ධාවන පථයක්, පුහුණු ධාවන පථයක්, අංග සම්පූර්ණ ප්‍රේක්ෂකාගාරයක්, මීටර් 50 ප්‍රමාණයේ පිහිනුම් තටාකාංගනයක්, ගෘහස්ත ක්‍රීඩාගාරයක් හා වෛද්‍ය ඒකකයක් ඇතුළු ජාත්‍යන්තර ක්‍රීඩාංගණයකට ඇතුළත් විය යුතු අංග රැසකින් සමන්විත වන පරිදි ඉදිකිරීම සඳහා මෙම ඌව පළාත් ක්රීඩා සංකීර්ණයට මුල්ගල් තැබීම සිදු කෙරුණේ ක්රීඩා අමාත්‍ය මහින්දානන්ද අලුත්ගමගේ, වාරිමාර්ග හා ජල කළමනාකරණ අමාත්‍ය නිමල් සිරිපාල ද සිල්වා හා විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා යන මහත්වරුන්ගේ ප්‍රධානත්වයෙනි.
ක්රීඩා ඉසව් 25ක් සඳහා අවශ්‍ය පහසුකම් සලසමින් අංග සම්පූර්ණ ලෙස ඉදිකෙරුණු ක්රීඩා සංකීර්ණය හා එහි ඉදිකෙරුණු නව පිහිනුම් තටාකය ද ජනපති අතින් විවෘත කෙරිණි. පාපන්දු පිටියේ පැවති ප්‍රථම පාපන්දු තරගය නැරඹීමට ද ජනාධිපතිතුමා ද එක් විය.
ප්‍රදේශයේ අති විශාල ජනතාවක් ක්‍රීඩාංගණයට රැස්ව සිටි අතර ජනාධිපතිතුමා ඔවුන් සමඟ ද සුහද කතා බහක නිරත විය.
අමාත්‍යවරුන් වන මහින්දානන්ද අලුත්ගමගේ, නිමල් සිරිපාල ද සිල්වා, මහාචාර්ය ජී.එල්. පීරිස්, අනුර ප්‍රියදර්ශන යාපා, ඩිලාන් පෙරේරා, ඌව පළාත් ආණ්ඩුකාර නන්ද මැතිව්, සබරගමුව පළාත් ප්‍රධාන අමාත්‍ය මහීපාල හේරත් යන මහත්වරු ඇතුළු පිරිසක් මීට එක්ව සිටියහ.
NDH/pmu_pix by Chandana Perera
