අද (20) ශ්‍රී ලංකා සාගර විශ්වවිද්‍යාල පනත් කෙටුම්පත වෙනුවෙන් පාර්ලිමේන්තුවේ පැවති දෙවැනිවර කියැවීමේ විවාදය අවසානයේ දී එය සම්මත කිරීමට ඡන්ද විමසීමක් සිදු කෙරුණු අතර එහි දී වැඩි ඡන්ද 23කින් පනත් කෙටුම්පත සම්මත විය.
දෙවැනි වර කියැවීමේ විවාදය අවසානයේ තෙවැනි වර කියවා පනත සම්මත කිරීමට යොමු කළ අතර එහිදී ප්‍රජාතන්ත්‍රවාදී ජාතික සන්ධාන මන්ත්‍රී අජිත් කුමාර මහතා ඡන්දයක් ඉල්ලා සිටියේය.
ඒ අනුව ඡන්දය විමසනු ලැබූ අතර පනත් කෙටුම්පතට පක්ෂ ව ඡන්ද 24ක් ද විරුද්ධ ව ඡන්ද 1ක් ද ලැබිණි. විරුද්ධ ව ඡන්දය දෙනු ලැබුවේ අජිත් කුමාර මන්ත්‍රීවරයා පමණි. එක්සත් ජාතික පක්ෂයේ මන්ත්‍රීවරු ද පනතට පක්ෂ ව ඡන්දය දුන් අතර සංශෝධන සහිත ව පනත් කෙටුම්පත සම්මත විය.
HC/NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
