අමාත්‍යවරයා මෙසේ පැවසුවේ අද (20) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
2012 වසරේදී වයස මාස 01ත් 18ත් අතර දරුවන්ගෙන් 677 දෙනෙකු පිළිකා රෝගයට ගොදුරු වී තිබේ. ශ්‍රී ලංකාවේ වාර්ෂිකව සිදු වන මරණ සංඛ්‍යාවෙන් පිළිකා නිසා මිය යන සංඛ්‍යාව 8.8%ක ප්‍රතිශතයක් බවද ඔහු කීය.
සියලුම පිළිකා සම්බන්ධයෙන් උපදේශන සේවා ක්‍රියාත්මකයි. ජංගම සේවා සඳහා ගමට ගිය විට මෙවැනි සායනවල කාන්තා සහභාගිත්වය අඩුයි. පිළිකා රෝගය වැඩිවීමේ ලෝක ප්‍රවණතාවක් පවතී. පුරුෂයන් සඳහා වැළඳෙන මුඛ පිළිකා, පෙනහළු පිළිකා සඳහා දුම්පානය හේතු වේ. මේ තත්ත්වය වැළැක්වීම සඳහා පනතක් ගෙන ආ අතර ඒ සඳහා උසාවි යාමට ද සිදු විය. ප්‍රසිද්ධ ස්ථානවල දුම්පානය, අඩු වයස් දරුවන් සඳහා දුම්වැටි අලෙවිය තහනම් කර තිබේ. මුඛ පිළිකා සඳහා පුවක් ප්‍රධාන රෝග කාරකයක් බවට පත්ව ඇත. ඒ නිසා සෞඛ්‍ය අමාත්‍යාංශය අලුත් දැහැත් වට්ටියක් හඳුන්වා දීමට පියවර ගෙන ඇති බව ද අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
