රුපියල් කෝටි 112ක මුදලක් වැය කරමින් සංවර්ධනය කෙරුණු මෙම මාර්ගය කිලෝ මීටර් 25ක දිගින් යුක්තය.
ඉහළ ජනතා හරසර මැද සමරු ඵලකය නිරාවරණය කර මාර්ගය ජනතා අයිතියට පැවරූ ජනාධිපතිතුමා රැස් ව සිටි ජනතාව අතරට යමින් ඔවුන් සමඟ ද සුහද කතා බහක නිරත විය.
මෙම අවස්ථාවට වැඩම කර සිටි උඩුපුස්සැල්ලාව ශ්‍රී සුදර්ශනාරාම විහාරාධිපති පූජ්‍ය මඩුල්ලේ විමලඥාන හිමියන් ජනාධිපතිතුමා වෙත පිරිවානා පොත් වහන්සේ නමක් ද තිළිණ කළහ.
අමාත්‍ය සී.බි. රත්නායක, මධ්‍යම පළාත් ප්‍රධාන අමාත්‍ය සරත් ඒකනායක, මධ්‍යම පළාත් සභා මන්ත්‍රී එස්.බී. රත්නායක, ජනාධිපති කාර්ය මණ්ඩල ප්‍රධානී ගාමිණි සේදර සෙනරත්, නුවරඑළිය දිස්ත්‍රික් ලේකම් ඩී.පී.ජී. කුමාරසිරි මහත්වරු ද ජනාධිපතිතුමා සමඟ මෙම සංචාරයට එක් ව සිටියහ.
DB
