පරිගණක 40කින් යුත් පරිගණකාගාරයකින්, පරිගණක 20කින් යුත් භාෂාගාරයකින්, දුරස්ථ අධ්‍යාපනය සඳහා නැණස ඒකකයකින්, ගණිතාගාරයකින් හා විද්‍යාගාරයකින් මෙම මහින්දෝදය තාක්ෂණ විද්‍යාගාරය සමන්විතය. විද්‍යාගාරය සිසු අයිතියට පවරා දුන් ජනාධිපතිතුමා එහි නිරීක්ෂණ චාරිකාවක ද නිරත වෙමින් සිසුන්ගේ අධ්‍යාපන කටයුතු පිළිබඳ සොයා බැලීය.
මහින්දෝදය තාක්ෂණ විද්‍යාගාරය සිසු අයිතියට පවරාදීමට ගිය ජනාධිපතිතුමාව විද්‍යාලයේ විදුහල්පතිවරයා, ආචාර්ය මණ්ඩලය හා සිසු දරු දැරියෝ විසින් මහත් හරසරින් යුතුව පිළිගනු ලැබූහ. එහි දී ජනාධිපතිතුමා වෙත සමරු තිළිණයක් ද පිළිගැන්වීය.
අමාත්‍යවරුන් වන බන්දුල ගුණවර්ධන, සී.බී. රත්නායක, මධ්‍යම පළාත් ප්‍රධාන අමාත්‍ය සරත් ඒකනායක මහත්වරු ඇතුළු පිරිසක් ද මෙම අවස්ථාවට එක්ව සිටියහ.
DB
