අද පස්වරුවේ විහාරස්ථානය වෙත ගිය ජනාධිපතිතුමා පළමුව ආගමික වතාවත් හි නිරත ව ආශිර්වාද ලබා ගත්තේය.
අනතුරුව සමරු ඵලකය නිරාවරණය කර සංඝාවාසය විවෘත කළ අතර එය සඝසතු කොට පූජා කිරීමේ සන්නස් පත්‍රය අස්ගිරි පාර්ශවයේ මහානායක අති පූජ්‍ය උඩුගම ශ්‍රී බුද්ධරක්ඛිත නායක හිමිපාණන් වහන්සේ වෙත පිළිගැන්වූහ.
ඓතිහාසික ශ්‍රී රාම විහාරයේ පූජ්‍ය අම්පිටියේ ධම්මදිස්සි හිමිපාණන් වහන්සේ ද මෙහිදී අනුශාසනාවක් සිදු කළහ.
සංස්කෘතික කටයුතු අමාත්‍ය ටී.බී. ඒකනායක, මධ්‍යම පළාත් ආණ්ඩුකාර ටිකිරි කොබ්බෑකඩුව, ප්‍රධාන අමාත්‍ය සරත් ඒකනායක, පාර්ලිමේන්තු මන්ත්‍රී ලොහාන් රත්වත්තේ, මහනුවර නගරාධිපති මහේන්ද්‍ර රත්වත්තේ, ජනාධිපති කාර්ය මණ්ඩල ප්‍රධානී ගාමිණි සේදර සෙනරත් මහත්වරු ඇතුළු පිරිසක් ද මෙම අවස්ථාවට එක්ව සිටියහ.
DB
