අමාත්‍යවරයා මේ බව පැවසුවේ අද (07) පාර්ලිමේන්තුවේදී ස්ථාවර නියෝග 23(2) යටතේ පත් කළ පාර්ලිමේන්තු මන්ත්‍රී අනුර දිසානයක මහතා කළ ප්‍රශ්නයකට පිළිතුරු දෙමිනි.
දිස්ත්‍රික් මට්ටමින් බවුසර යොදා ගනිමින් ජලය නොමිලේ ලබා දෙන්න පියවර ගෙන ඇත. ආපදා කළමනාකරණ අමාත්‍යාංශය මේ තත්ත්වය කල් ඇතිව හඳුනාගෙන ප්‍රාදේශීය සභාවලට, ප්‍රාදේශීය ලේකම් කාර්යාලවලට මූල්‍ය ප්‍රතිපාදන ලබා දුන්නේය. බවුසර් යොදා ජලය බෙදීමේදී ඒ සඳහා යන වියදම හෝ ජලය සඳහා මුදල් ගෙවීමට අවශ්‍ය නම් දිස්ත්‍රික් ලේකම්වරයා ඉල්ලා සිටි පමණින් මූල්‍ය ප්‍රතිපාදන
සපයා තිබේ. මේ තත්ත්වය අපට මගහැරිය හැකි දෙයක් නොවන නිසා ජනාධිපතිවරයා ඉදිරිපත් කරන ලද විශේෂ කැබිනට් පත්‍රිකාවක් අනුව මුදල් වෙන් කළ බව ද ඔහු පැවසීය.
ඉදිරියේදී ඇතිවිය හැකි මෙවැනි තත්ත්වයන්ට මුහුණ දීමට සඳහා ස්ථිර විසඳුම් ලෙස ජල යෝජනාක්‍රම රැසක් ක්‍රියාත්මක කිරීමට පියවර ගෙන ඇත. කළු ගඟ, ගිං ගඟ යෝජනා ක්‍රම සඳහා මේ වන විට ශක්‍යතා අධ්‍යයන සිදු කරමින් පවතින බවත් මහින්ද අමරවීර මහතා වැඩිදුරටත් කීය.
NDH/HC
