මෙරට ඇති පුස්කොළ වෙද පොත් සංරක්ෂණය කිරීමේ වැඩපිළිවෙළක් ක්‍රියාත්මක කරමින් පවතින බව දේශීය වෛද්‍ය අමාත්‍ය සාලින්ද දිසානායක මහතා අද (07) පාර්ලිමේන්තුවේදී පැවසීය.
පාර්ලිමේන්තු මන්ත්‍රී අශෝක් අබේසිංහ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙන් අමාත්‍යවරයා මේ බව කීය.
ආයුර්වේද වෛද්‍ය සභාවේ ලියාපදිංචි ආයුර්වේද උපාධිය සමත් වෛද්‍යවරුන් සංඛ්‍යාව 2192ක් වන අතර ආයුර්වේද ඩිප්ලෝමාව සමත් පිරිස 3651කි. මේ සභාවේ පාරම්පරික වෛද්‍යවරුන් 13931 දෙනෙකු ලියාපදිංචි වී ඇති බවත් 2013 වර්ෂය සඳහා වෛද්‍යවරුන්ගේ ලියාපදිංචි ලේඛනය යථාවත් කර ඇති බවත් අමාත්‍යවරයා වැඩිදුරටත් සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
