දිවයිනේ ප්‍රධාන ආයතන වන ඩයලොග්, මොබිටෙල්, එටිසලාට්, ප්‍රතිචක්‍රීයකරණ ආයතන මෙන්ම නිෂ්පාදන ආයතනය සමඟ එක්ව ඉලෙක්ට්‍රොනික් අපද්‍රව්‍ය ඒකරාශී කිරීමේ වැඩපිළිවෙළක් පසුගියදා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී ආරම්භ කළ බව ද ඔහු කීය.
අමාත්‍යවරයා මේ ගැන පැවසුවේ අද (07) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙනි.
සති 02ක ඉලෙක්ට්‍රොනික් අපද්‍රව්‍ය එක් කිරීමේ වැඩසටහනේදී අපද්‍රව්‍ය ටොන් 12ක් එකතු වේ යැයි අපේක්ෂා කළත් ඊට වැඩි ප්‍රමාණයක් එකතු වුණා. පාසල්වල භාවිතෙයන් ඉවත් කරන ලද පරිගනක, රසායනාගාරවල භාවිත කරන අපද්‍රව්‍ය ඒකරාශී කිරීමේ වැඩපිළිවෙළක් මධ්‍යම පරිසර අධිකාරිය මඟින් අරඹා ඇත. පෞද්ගලික අංශය මේවා වැඩි වශයෙන් භාවිත කරයි. ඒවා ඉවත දමන විට පරිසරයට එකතු වේ. ඒවා බැහැර කිරීමේදී පෞද්ගලික අංශය නියාමනය කිරීමේ වැඩසටහනක් ක්‍රියාත්මක කරන්න කටයුතු යොදා ඇති බව ද අමාත්‍යවරයා පෙන්වා දුන්නේය.
මේ සම්බන්ධයෙන් මධයම පරිසර අධිකරිය යාවත්කාලීන කරන්න මොරටුව විශ්වවිද්‍යාලය සමඟ කටයුතු කර ගෙන යයි. අඛණ්ඩව මධ්‍යම පරිසර අධිකාරියේ නිලධාරීන් දිස්ත්‍රික් හා ප්‍රාදේශීය ලේකම් කාර්යාල මට්ටමින් මේ කාර්යය සඳහා යොමු කර ඇති බව ද ඔහු වැඩිදුරටත් පැවසීය.
NDH/HC
