රාජ්‍ය නොවන සංවිධාන රටේ සංවර්ධන කාර්යයට දායක වනවා නම් ප්‍රාදේශීය ලේකම් හා දිස්ත්‍රික් ලේකම් සමඟ සාකච්ඡා කර කටයුතු කළ යුතු බවත් එවිට රජයේ සංවර්ධන කටයුතු සඳහා අනුගතවීමට ඔවුන්ට හැකි වන බවත් ජ්‍යෙෂ්ඨ අමාත්‍ය හා මුදල් හා ක්‍රමසම්පාදන නියෝජ්‍ය අමාත්‍ය ආචාර්ය සරත් අමුණුගම මහතා පවසයි.
අමාත්‍යවරයා මේ බව පැවසුවේ අද (05) පාර්ලිමේන්තුවේදී විපක්ෂ නායක රනිල් වික්‍රමසිංහ මහතා විසින් ස්ථාවර නියෝග 23(2) යටතේ ඉදිරිපත් කරන ලද ප්‍රශ්නයකට පිළිතුරු වශයෙනි.
රාජ්‍ය නොවන සංවිධානවල මූල්‍යාධාර සම්බන්ධයෙන් මුදල් අමාත්‍යාංශය චක්‍රලේඛයක් නිකුත් කර නැහැ. කුඩා රාජ්‍ය නොවන සංවිධාන ඉවත් කිරීම ගැන කිසිදු ක්‍රියාමාර්ගයක් ගෙන නැති බවත් රජයේ සියලුම සංවර්ධන කටයුතු සිදු කිරීමේදී විනිවිදභාවයෙන් යුතු ව සිදු කළ යුතු බවත් අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
