අමාත්‍යවරයා අද (05) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු ලෙස මේ බව පැවසීය.
ගොවිජන සේවා පනත අනුව කුඹුරු ඉඩම් නාමලේඛනයේ කුඹුරක් ලෙස සඳහන් නොවන ඉඩම් ගොඩකිරීමට හැකියි. කුඹුරු ඉඩම් නාමලේඛනයේ නම ඇති, වී වගාව සිදු නොකරන හා පුරන් වී ඇති, ජලය ලබා ගත නොහැකි හා කුඹුරු වැඩ නොකර අවුරුදු 20ක් 25ක් ගත වී ඇති කුඹුරු ඉඩම්වලින් පර්චස් 10ක් මෙසේ නිවසක් ලබාදීමට ප්‍රදානය කරන බව ඔහු සඳහන් කළේය.
එවැනි ඉඩම් කොටසක් වුවත් දිස්ත්‍රික් කෘෂිකර්ම නිලධාරීන්ගේ, ගොවි සංවර්ධන නිලධාරීන්ගේ හා කෘෂිකර්ම පර්යේෂණ නිෂ්පාදන සහකාරවරුන්ගේ අනුමැතිය යටතේ ලබාදීමට පියවර ගනු ඇත. එසේ නොමැතිව යමෙකු කුඹුරු ඉඩම් ගොඩ කර ඇත්නම් ගොවිජන සංවර්ධන පනත අනුව උසාවි තීන්දුවෙන් ඉඩම් ගොඩකළ අය ම පස් ඉවත් කිරීම කළ යුතු බව අමාත්‍යවරයා අවධාරණය කළේය.
NDH/HC
