පසුගිය ඉරිදා චීනයේ නිරිතදිග යුනාන් පළාතට බලපෑ විනාශකාරී භූ කම්පනයෙන් විශාල සංඛ්‍යාවකගේ ජීවිත හානි වූ බවත් අති විශාල දේපළ විනාශයක් සිදු වූ බවත් ඇසීමෙන් තමන් කම්පනයට පත්ව ශෝක වූ බව එම ශෝක පණිවිඩයේ සඳහන් වේ.
අනතුරින් අහිමි වූ ජීවිත වෙනුවෙන් ශෝකයටපත් පවුල් හා විපතට පත් සියලුම චීන වැසියන් වෙත ශ්‍රී ලංකා රජය ඇතුළු සමස්ත ශ්‍රී ලාංකේයයන් ශෝකය හා සංවේගය ප්‍රකාශ කරන අතර ශ්‍රී ලාංකේයයන්ගේ ප්‍රාර්ථනා හා යැදුම් මෙම දුෂ්කර මොහොතට මුහුණ දුන් සියල්ලන් සමඟ බවත් වැඩිදුරටත් එම පණිවුඩයෙන් පැවසිණ.
මෙම දුෂ්කර මොහොතේ ඇතිවන බාධක අභියෝග සඳහා සාර්ථකව මුහුණ දීමට චීන වැසියන්ට සහජ ධෛර්යයක් හා ශක්තියක් ඇති බව තමන් තරයේ විශ්වාස කරන බව ජනාධිපතිතුමන් මෙම පණිවුඩයේ අවසානයේ සඳහන් කර ඇත.
SDF
