කතරගම ප්‍රාදේශීය සභාවේ සභාපතිවරයා වශයෙන් වසර 19ක් කටයුතු කර ඇති වික්‍රමසිංහ මහතා ඊයේ (28) පස්වරුවේ අරලියගහ මන්දිරයේ දී ජනාධිපති මහින්ද රාජපක්ෂ මැතිතුමා හමුවී මෙලෙස සහය පළ කළේය.
ජනාධිපති මහින්ද රාජපක්ෂ මැතිතුමාගේ මඟපෙන්වීම මත ඌව පළාතේ සංවර්ධනය උදෙසා හිටපු ප්‍රධාන අමාත්‍ය ශෂීන්ද්‍ර රාජපක්ෂ මහතා ගෙන ගිය වැඩපිළිවෙළ ද අගය කළ අශෝක වික්‍රමසිංහ මහතා එම වැඩපිළිවෙළ ශක්තිමත් ව ඉදිරියට ගෙන යාම සඳහා දායකවීමට තමා තීරණය කළ බවද පැවසීය.
ඒ අනුව එළඹෙන ඌව පළාත් සභා මැතිවරණයේ දී එක්සත් ජනතා නිදහස් සන්ධානයේ විජයග්‍රහණය තහවුරු කිරීමට කැපවී කටයුතු කරන බවට ද ප්‍රතිඥා දුන්නේය.
1991 වසරේ සිට 2010 දක්වා කතරගම ප්‍රාදේශීය සභාවේ සභාපතිවරයා ලෙස කටයුතු කළ අශෝක වික්‍රමසිංහ මහතා 2010 වසරේ සිට මේ දක්වා එහි විපක්ෂ නායකවරයා ලෙස කටයුතු කළේය.
ඒ මහතා ජනාධිපතිතුමා හමු වු අවස්ථාවට ඌව පළාත් හිටපු ප්‍රධාන අමාත්‍ය ශෂීන්ද්‍ර රාජපක්ෂ මහතා ද එක්ව සිටියේය.
DB
