පසුගිය වසරේ රුපියල් මිලියන 1.8ක ඩ්‍රෙජර් යන්ත්‍ර යොදා ගනිමින් හලාවත මෝය කටේ වැලි ඉවත් කිරීමට ධීවර වරාය නීතිගත සංස්ථාව කටයුතු කළ බව ද හෙතෙම සඳහන් කළේය.

එජාප පාර්ලිමේන්තු මන්ත්‍රී තිස්ස අත්තනායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයක දී අමාත්‍යවරයා සභාගත කරන ලද පිළිතුරක මේ බව සඳහන් වේ.

වාරකන් කාලයේ දී එනම් මැයි සිට ඔක්තෝබර් කාලයේ හලාවත මෝය කට වැලිවලින් වැසී යයි. මේ නිසා මෝය භාවිත කරන යාත්‍රා 1150කට පමණ ධීවර රැකියාව කිරීමට අපහසු වන අතර මේ සඳහා හලාවත සිට කිලෝ මීටර් 03ක් පමණ දුරින් පිහිටි කරකූපනේ මෝය භාවිත කිරීමට සිදු වේ. මේ තත්ත්වය නිසා 1998 ආසියානු සංවර්ධන බැංකුවේ මූල්‍ය පහසුකම් මත කළ අධ්‍යයනයක දී ස්ථිර ගල් බැම්මක් සුදුසු නොවන බවට හඳුනා ගෙන ඇත. ඒ නිසා වැලි ඉවත් කිරීම හැර වෙනත් විකල්ප ක්‍රියාමාර්ගයක් නැති බවට හඳුනා ගෙන ඇතැයි ද පිළිතුරෙහි සඳහන් වේ.

NDH/HC