අද වන විට මාර්ග අනතුරු ප්‍රමාණය වැඩි වී ඇති බවත් මාර්ග නීති නොපිළිපැදීම නිසා මෙවැනි තත්ත්වයක් ඇති වී තිබෙන බවත් නියෝජ්‍ය කාරක සභා සභාපති, පාර්ලිමේන්තු මන්ත්‍රී චන්ද්‍රකුමාර් මුරුගේසු මහතා පවසයි.
පාර්ලිමේන්තු මන්ත්‍රීවරයා මේ බව පැවසුවේ අද (08) පාර්ලිමේන්තුවේදී මෝටර් වාහන පනත යටතේ නියෝග පිළිබඳ විවාදයට එක්වෙමිනි.
මාර්ග නීති උල්ලංඝනය කරන්නන් නීතිය හමුවට ඉදිරිපත් කර දඬුවම් ලබා දිය යුතුයි. රියැදුරන්ට පුහුණුව ලබා දෙන ආයතන රැසක් අද තිබෙනවා. මේ ආයතන සම්බන්ධයෙන් සොයා බැලීමක් සිදු කළ යුතුයි. ඔවුන්ට තම පුහුණුවේදී මාර්ග නීති සම්බන්ධයෙන් කියා දෙනවා ද යන්න පිළිබඳ ගැටලුවක් තිබෙන බවත් ඔහු පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
